Llyfrau’r haf 5
Mae ’na amser maith ers i mi ddarllen llyfr mewn diwrnod ond doedd gen i ddim byd arall yn galw ac roedd hi’n tatsio glawio eto felly dyma fi’n bwrw ati efo hon, Untold Story gan Monica Ali. Ddarllenes i Brick Lane ganddi rai blynyddoedd yn ôl a dwi’n cofio i mi ei mwynhau – cafodd ffilm ei gwneud ohoni dwi’n meddwl. Newydd weld ar y linc yma fod ganddi ddwy nofel arall – llyfrgell amdani.
Roedd y stori’n gafael o’r cychwyn a dwi ddim eisio difetha’r peth i neb felly dim ond dweud mai stori sydd yma am Lydia yn dewis gadael pob dim a byw bywyd newydd yn America. Hen drawiad medde chi ond na, mae yna fwy i’r stori dreiddgar yma. Enw’r dre ble mae hi’n byw ydy Kensington. Ddylie hynna roi cliw i chi!
Diolch am yr awgrymiad. Doeddwn i ddim wedi clywed amdano cyn i fi ddarllen dy adolygiad. Er i’r llyfr gael sylwadau cymysg ar Amazon, mae gen i fwy o ffydd mewn adweitthiau pobl sy’n caru llyfrau na mewn adweithiau pobl sy’n falle caru yn fwy…pwnc y nofel.
Mi wnaeth y tric i mi y diwrnod hwnnw beth bynnag!